KALEEM SIRONJI

ASSALAM-0-ALAIKUM,

Real name: Wali Ullah was son of Hafiz Ameer Ullah. Penned poetry.

Born at Sironj on 8 Rabiul Awwal 1340 Hijri (1923) and died on May 4, 2000.

Books: Waraq Waraq 1984, Ishaad Awwal, Lafz Lafz 1989, Nigaaristane Taarikh 1997 Intekhabul Furqaan.

Taleem-bachpan me musalsal beemari k baayis ibtedayi taleem he 6 se 7 bars ki umr me shuru ho saki or zyada din bhi jari na reh saki –

Walid sahib chahte thy ke pehle deeni taleem aur quraan-e-kareem hifz karaya jaye aur phir digar uloom marojjah ki tadrees ho lekin walid sahib ka wo khwab sharminda taabeer na ho saka-

Aur oct 1937 ko unke alawa ek bhai do behne aur maa yaani 5 afraad par mushtamil ek khandan ko be -yaaro madadgaar chord kar rahi mulke baqa hue taleemi silsila munqata hua-

Aur fikr-e- maa’sh ka pahard toot parda-

Bhut arse tak intehayi aziyat naak kasma pursi aur jaddo jahd me guzra-

1947 me mehkmaye police me mulazmat mili yahaN mushfiqo mehrbaN janab shahab uddin sahib , waqif radolwi, tasneem faroqui, inayat Husain sahib aur janab mazhar uz zama khan sahib jaise afsaroN se sharfe mulaqat hua un dino shayri ka mahol aur urdu farsi ka riwaj tha-

Mutazkirah baala hazraat ki khususi shafqatoN ne husoole taleem ka mawaqe faraham kiya aur sath he tabiyat bhi sher goyi ki taraf mayil hui jab ke na khwandghi is had tak thi k wo tankhwa bhi nishane anghust (anghuta ke nishan) k zariye he wasool kiya karte thy-

Unke zauq aur eilm ki talab ko dekhte hue waqif sahib aur tasneem sahib ne unhe taleem ki taraf mehmeez kiya aur uftaaN-o-khezaN taleemi marahil se qadam qadam guzarte rahe aur adbi duniya me roshnaas hone k muwaqe faraham hote rahe-

1966 ke bad maulana yusuf naseem qasmi sahib aur master munshi abdul azeez sahib se farsi ki taleem hasil ki –

Mohtaram sehba qureshi aur basit ujjaini bani bazm-e- sukhan Bhopal jin k zariye ek nasl eilm- o- fan se seraab hui hai unko bhi 1947 me mohtram sehba sahib ki khidmat me hazir rehkar tarbiyat ka sharf mila- aur ye ke mohtram sahba sahib un par khususiyat se mehrbaN thy chunache wo ye mante thy k aaj me jo kuch bhi huN unhe ki badolat huN.


Shukriya


Waqar Ali Bahadur

Bhopal

Submit

Archive Subscribe

Following

• staff